ಧ್ವನಿತ ಪ್ರತಿಧ್ವನಿತ ಮನುಜ ಜೀವಿತವೆಲ್ಲಾ
ಕುಣಿವುದವನೆದೆ ಜಗತ್‌ಪ್ರಕೃತಿ ಪಾಡುವವೊಲ್
ಇನಿದಕೊಲವಳಲಿಗನುತಾಪ ; ಸೆಣಸಿಗೆ ಬಿಸಿರ
ಘನಗರ್ಜಿತಕೆ ದೈನ್ಯ - ಮಂಕುತಿಮ್ಮ
ನಮ್ಮಯ ಜೀವನವೆಲ್ಲಾ ಬರೀ ಗದ್ದಲ, ಪ್ರತಿಗದ್ದಲ, ಕೂಗು - ಪ್ರತಿಕೂಗುವಿಕೆಯಿಂದ ತುಂಬಿಹೋಗಿದೆ. ನಮ್ಮಯ ಹೃದಯದಲ್ಲಿ ಈ ಪ್ರಪಂಚದ ಪ್ರಕೃತಿ ಹಾಡುವಂತೆ ಕುಣಿಯುತ್ತ ಇರುತ್ತದೆ. ಪ್ರಿಯತಮೆಯ ಪೀತಿ, ಪ್ರಿಯತಮನ ಅಕ್ಕರೆ, ದುಗುಡ, ಅನುತಾಪ ಇವೆಕ್ಕೆ ಏನೂ ಕೊರತೆಯಿರುವುದಿಲ್ಲ ಇವೆರೆಡರ ಮಧ್ಯ ಜೀವನದ ಹೋರಾಟ, ಆರ್ಭಟಕ್ಕೆ ಎಣೆಯೇ ಇಲ್ಲ.. ಇದುವೆ ಅಲ್ಲವೆ ನಮ್ಮಯ ಸುಂದರ ಜೀವನ ತಿಮ್ಮ/ತಿಮ್ಮಿಯರೆ ಎಂದಿನಂತೆ ನಿಮ್ಮ ಸ್ನೇಹಿತನಾದ ರವಿಯ ಶುಭದಿನ ಶುಭೋದಯ
ದಿನಕ್ಕೊಂದು ಕಗ್ಗ : ಬದುಕಿನಲ್ಲಿ ಉಲ್ಲಸ ಹರಡುವುದು, ಕಷ್ಟಗಳಿಂದ ಆವೃತರಾದವರ ಎದೆಯಲ್ಲಿ ಧೈರ್ಯ ತುಂಬುವುದು, ಉನ್ನತ ಜೀವನಾದರ್ಶಗಳನ್ನು ಪ್ರತ್ಯಕ್ಷಗೊಳಿಸಿ ನಿಲ್ಲಿಸುವುದು -- ಇದೇ ಶ್ರೇಷ್ಠ ಸಾಹಿತ್ಯದ ಗುರಿಯೆಂದು ಗುಂಡಪ್ಪನವರು ಪ್ರತಿಪಾದಿಸಿದರು.ಅವರ ಆಳವಾದ ಜೀವನಾನುಭವದ ರಸಪಾಕ, ’ಮಂಕುತಿಮ್ಮನ ಕಗ್ಗ’ ಡಿ.ವಿ.ಜಿ. ಯವರಿಗೆ ಆಧುನಿಕ ಸರ್ವಜ್ಞ ಎಂಬ ಕೀರ್ತಿಯನ್ನು ತಂದುಕೊಟ್ಟಿರುವ ಸೂತ್ರರೂಪದ ಕಗ್ಗ ಕನ್ನಡದ ಅತ್ಯಂತ ಜನಪ್ರೀಯ ಕೃತಿಗಳಲ್ಲೊಂದೆನಿಸಿದೆ.
No comments:
Post a Comment